Nongstoiñ, Ïaiong 14: U Superintendent of Police jong ka West Khasi Hills District, u la pyntip paidbah ba na ka bynta kito kiba wan ha ka jingpynkyntang Bishop ha St Peter Parish, Pyndengrei Nongstoiñ ha ka 16 tarik mynta u bnai, na ka liang ka tnad pulit ka la pynbeit ïa ka rukom rung rukom ïaid jong ki kali kiba wan na kylleng ki jaka.
Ka jingpynbeit ka long ba na ka bynta ki kali ba wan na Shillong, Mairang, Shallang, Mawshynrut bad Langpih, ka jaka rung kan dei na lad FCI, NH 44 E, ki kali ba wan na ki thaiñ Mawkyrwat kin ïaid beit sha St Peter Parish maiñ gate. Na ka bynta ki paidbah ba sah hapoh Nongstoiñ area, la kyrpad ba kin kiar ban rah ïa ki kali jong ki khnang ban pynduna ïa ka jingdheng kali.
Ki pulit bad volunteer kin don ha manla ki lad ban peit ïa ka jingïaid beit ïaid ryntih ki kali.
La kyrpad ruh ïa ki kali kiba wan sha kane ka jingpynkyntang Bishop, ba kin kiar ban pynieng kali harud surok bad ban pynieng ha ki jaka ba la bthah ne pynbeit.
