Guwahati, Iaiong 08: Ka President Droupadi Murmu mynta ka sngi Saitjain ka la shong ia ka liengsuin iapom ha ka sien kaba nyngkong napoh Tezpur Air Force station ha Assam.
Ia ka Murmu la iohi ha ryngkat ka riam shipai suin hashwa ba kan kiew hapoh ka liengsuin Sukhoi 30 MKI fighter aircraft hapoh Tezpur Air Force station ha Assam.
Ha ka video ba la rekod khyndiat minit shwa ba kane ka President ka India kan sdang ban kiew halor ka liengsuin la iohi katba ka dang pyni ia ka dak jong ka jingjop hakhmat jong ka camera.
Ha u snem 2009, ka president barim ka India ka Pratibha Patil ruh ka la shim bynta ha kaba pynher ia ka liengsuin iapom.
Ka liengsuin iapom Sukhoi-30 MKI kaba dei ka liengsuin iapom kaba don ar ki jaka shong ka dei jong ka kompeni Sukhoi ka Russia ia kaba la shna hapoh ka jingai laisen da ka kompeni pynmih liengsuin ba heh tam ka India ka Hindustan Aeronautics Limited.
Ka President Murmu ka la don ha ka jingleit jurip ba ar sngi sha Assam naduh ka 6 haduh ka 8 tarik mynta u bnai.Ha kane ka jingleit jurip, ka Murmu ka la iashim bynta ruh ha kaba iadei bad ka jingplie ia ka tamasa Gaj Utsav-2023 hapoh Kaziranga National Park.
