Shillong, Iaiong 02: U Samla Jovial Andre Laloo, ula pynkhreh ban iashimbynta ha ka Paragliding Accuracy Pre World kaban long ha Bir Billing, Himachal Pradesh naduh ka 5 haduh ka 9 tarik u Iaiong 2023.
U samla Jovial Andre Laloo, udei uba la kha bad la heh la san ha Mawprem, Shillong bad udei u Paragliding Pilot uba la pyndep ia ka jinghikai na Bir Billing, Himachal Pradesh hapoh ka Skylark School of Paragliding.
Ka Bir Billing kadei ka jaka ialeh paragliding kaba wan baar haka pyrthei kaba jrong 5000 phut na sla khyndew bad la khot ia katei ka jaka kum ka Bir Billing ka long, Bir kadei ka jaka kaba hiar ki nongleh Paragliding bad ka Biiling kadei ka jaka kaba ki sdang bad kane ka jingiakob ka long kaba eh bha.
Ha katei ka jingiakob ki Paragliding Pilot kin sdang ban her na Biiling bad ban pynkut ha Bir bad kin hap ban hiar ha ka jaka kaba la buh dak bad uno uno u pilot uba hiar ha ka jaka kaba la buh dak yn long u nongjop jong ka jingiakob lane uno uno uba hiar hajan ka jaka kaba la buh yn long u nongjop katkum ka jingioh kamai ia ka point.
