Shillong, Lber 28 : Ka Iingdorbar Thaw Ain ka Jylla hynne ka sngi ba-ar, da kawei ka sur, kala ai jingmynjur ia ka Meghalaya Regulation of Gaming (Repeal) Bill 2023, ban pynduh pyndam noh ia ka Meghalaya Regulation of Gaming Act, 2021.
Ka Meghalaya Regulation of Gaming Act, 2021 ka dei kaba la pynbna bad pynmih ha ka 26 tarik Lber, 2021 ha ka Gazette jong ka Sorkar hadien ba la pynlong ain da u Lat ka Jylla.
Ia kane ka Bill ban pynduh pyndam noh ia ka Gaming Act, la wanrah da ka Sorkar ha kane ka Dorbar Mang tyngka kaba kut hynne ka sngi.
U AT Mondal, Myntri ka Tnad Taxation ula pyntip ruh ba ka por treikam jong ki Provisional Licence kiba la dep ban ai da ka Sorkar Jylla, kila kut bad uwei na kiba la ioh Licence ula sei noh ia ka bank guarantee.
Pule lang ia kane:Â Pynrem ka ACHIK ia ka jingthmu pynlong Rally ka VPP halor ka Roster System
