Shillong, Lber 19: Ka Tnat Youth Affairs and Sports kala pynlong ia ka Yuva Utsav mynta ka sngi ha Shillong Jail Road Boys’ Higher Secondary School, hapoh ka jingpeit ka Nehru Yuva Kendra, Shillong.
U MLA ka Mawryngkneng Bah H.S Kharpran ula iashimbynta kum u kongsan ha ka jingialang ia kaba kumba 200 ngut ki samla kila iashim bynta ha ka Young Artist-Painting, Young Writers-Poetry, Mobile Photography, Declamation Contest bad Cultural Festival.
Ki tnat jong ka National Health Mission, Meghalaya, ka ophis State Tuberculosis, ophis Sports, DJD, ka Tnat ka rep ka riang jong ka sorkar pdeng, Yuva Art & Craft kila pyni ia la ki kam ha kane ka jaka ban ai jingtip ia ki samla shaphang ki kam baroh ha ka jylla.
U NYV, Mawryngkneng, Bah Kynsaibor Kharkongor ula pyniaid ia ka prokram Yuva Utsav kaba phaikhmat halor ka jingkyntiew ia san tylli ki jingthmu bad ka thong ban ioh ia ka India kaba la kiew, ka jingweng ia kano kano ka jingsah ka rukom pyrkhat nongwei, ka jingsngew sarong ia ka pateng, ka jingiatylli bad ka jingdon ka kamram hapdeng ki nongshong shnong.
Ha katei ka jingialang la iadonlang ka State Director NYKS, Meghalaya, ka Sharmistha Dhote, RBI Office, Shillong, u Bah O. Mawthoh DSO, East Khasi Hills District, Dr. M. Mawrie, State Tuberculosis Officer, u A.Ansari, Assistant Director bad u Arulnidhi K, Technical Officer, Directorate Jute Development, Tnat ka rep ka riang jong ka sorkar pdeng, Kolkata, u Principal ka Shillong Jail Road Boys H.S School u Jibananda Pal bad u Deputy Director, NYKS Shillong u Bah D. Rapsang.
