Nongpoh, Lber 09 : Uwei u rangbah ba la 60 snem tam ei ei, u la shah pyniap dusmon ha ki riew runar hynne ka sngi Palei ha shnong Pahammawlein 20mer, kaba la jia ha ka por ba utei u rangbah u dang thmu ban leit sha ka jaka rep lajong.
Ki runar ki la pyniap ia une u rangbah da kaba tied bad bom da ki kynja tiar ba nep ha ki bynta ka khlieh tad haduh ba ka khlieh jong utei u rangbah ka la pra phom.
Utei u rangbah uba shah pyniap, u dei uba la tip kum u Bah Elius Ryndong, iathuh ki Bahaiing kila pyntip ba une u rangbah ula mih na iing ha ka por 7 baje ei ei mynstep ban leit sha lyngkha bad ia ka por ba u la shah pyniap, ym shym la tip namar ym don kiba la iohi.
Kiba haiing jong utei u rangbah, kila ong ba naduh ka por ba u mih, kim tip ei ei shuh, hynrei kaba la pynkyndit eh ia ki, ka dei hadien ba ha ka por 5:30 baje ei ei janmiet, ba ki la ioh jingtip halor ka jingshah pyniap utei u rangbah.
Ki Pulit ka Byrnihat Police Outpost, ki la leit mar mar sha katei ka jaka ban shimti ia katei ka met bad kila rah noh sha Nongpoh Civil Hospital ban leh ia ka Post Mortem. Ka jingtohkit mynta kala iaid shakhmat ban lapdien ia ki briew kiba donkti.
