Shillong, Rymphang 16 : U Myntri kam Pohiing ka Ri Amit Shah hynne ka janmiet sngi palei, ula khot ia baroh ki seng kaikhlaw jong ka thain Shatei Lam Mihngi ba kin wan noh sha ka miej iakren iasuk.
U Amit Shah ula ong ba mynta ka thain Shatei Lam Mihngi kala don hapdeng ka jingsuk namar palat 8000 ngut ki ehrang jong ki kynhun kaikhlaw ka thain, kila wan ban pyndem wait ban im lang ha ka imlang sahlang, kaba la plie lynti ia ka jinglong jingman ban wan ka roi ka par ha ka thain.
U Myntri kam Pohiing ula kyntu ruh ia ki kynhun kaikhlaw ka Jylla Meghalaya ba kin wan shakhat ban iaren iasuk noh bad ka Sorkar India bad ban iadonbynta lang bad ka “agenda kam pynroi” jong u Myntri Rangbah Duh ka Ri Narendra Modi bad ban iatreilang bad ka Sorkar ban pynlong ia ka Meghalaya ka Jylla kaba kiew bha ha ka roi ka par.
