Agartala, Rymphang 16 : Ka Election Commission of India (ECI) hynne ka sngi palei, kala pyntip ba ka jingiathep vote ha baroh 60 tylli ki constituency ka Tripura kala kut hynne ka por 4 baje janmiet bad ka jingpoi nongthep vote ban jied ia ki nongmihkhmat kala kot haduh 91.82%.
Kane ka Jylla ka don haduh 28.13 lak ngut ki nongthep vote, kiba rai ia ka lawei jong ki 259 ngut ki kyrtong ki ba iakhun ha kane ka elekshon.
Naduh ka por 5 baje mynstep, ki nongthep vote kila ieng lain ban thep ia ki vote jong ki. Ka jingthep vote kala bteng haduh ka por 4 baje janmiet ha baroh 3337 tylli ki polling station, ong ka ECI.
Kat kum ka jingioh khubor, ki don katto katne ki jingkulmar ha ki katto katne ki Polling Booth ha Tripura watla ka jingjur ka bor pahara ha baroh 60 tylli ki constituency.
