Pynlut por ki MLA ka Shiv Sena ha ka chess, ludo hapoh ka hotel ha Guwahati

Date:

Share post:

Guwahati, Jylliew 28: Ki MLA ialeh pyrshah ka Shiv Sena ki ba shong ba sah hapoh Radisson Blu Hotel ha Guwahati mynta lah kumba katto katne sngi ki la pynlut ia ka por ka jong ki da ka ba ialehkai ia ki jingialehkai indoor games bapher bapher kum ka chess bad ludo.

Ki tyllong khubor ki iathuh ba nalor ki katto katne ki jingialang hapdeng jong ki, kine ki MLA kim don da kiwei pat ki kam ki ba shisha ha Guwahati. Kumta ban pynlut ia ka por jong ki, ki la hap ban pynmyllen da ki jingialehkai bapher bapher kum ka chess bad ludo.

Kine ki MLA ialeh pyrshah ba la lamkhmat da u Myntri ka Maharashtra, u Eknath Shinde ki la shah khanglad ban mih shabar na ka hotel. Ha ka jingshisha hi kine ki MLA ki la wai lypa ia ki kamra na ka bynta shi taiew kynthih.

Na ka liang ki MLA, ki nongialam bad ki myntri ka seng BJP ka Assam ki ju pynlong ka jingleit jngoh ba khah khah sha katei ka hotel ha kaba ka la don ruh ka jingiakren hapdeng jong ki bad ki nongthaw ain ka Maharashtra ki ba don ha kane ka jaka.

Ki bor pulit commando hapoh ka jingialeh ki heh sorkar ki la la pynbiang pura ha ka ba iadei bad ka jingpahara na ka bynta kine ki MLA na ka por sha ka por. Na ka liang ki bor pyniaid jong ka hotel ruh ki la kyntait ban ai wai thymmai ia kiwei pat ki briew lait noh tang ia ki nongwan jingwan da ki liengsuin.

Shuh shuh na ka liang ki nongialam ka Shiv Sena na Manipur hapoh ka jingialam u president ka jylla u M. Tombi Singh ki la wan poi hapoh kane ka hotel ha ka sngi Nyngkong ba la dep ban iakynduh ia u Eknath Shinde. Hynrei, watla katta la khanglad ia ki ba kin iakynduh.

Ka Congress ka ba dei ka party liang pyrshah ba kongsan ka Assam kham hashwa ka la kyntu ia kitei ki MLA ka Shiv Sena ba kin mih noh mardor na kane ka jylla na ka bynta ka bha ka miat bad ka jingbit jingbiang jong ka jylla.

Share post:

spot_img

Popular

More like this
Related

New technology at Tura landfill to provide better waste segregation

Tura, May 6: Meghalaya Chief Minister Conrad K. Sangma...

Umiam bridge repair: EKH police urge public to use VIP and Mawdiangdiang-Diengpasoh road

SHILLONG, MAY 6: The state police has issued an...

HYC demands SMB to remove waste disposal facility from Motphran

SHILLONG, MAY 6: The Hynniewtrep Youth Council (HYC) on...

Mudui ejahar u Heh IPS ba shah shna Facebook Account thok

Shillong, Jymmang 06: U Heh Pulit IPS bala shongthait...