Shillong, Jylliew 27 : U Myntri Rangbah ka jylla, Conrad K Sangma ha ka sngi Nyngkong u la pynbna ba ki lai tylli ki shnong heh kiba hap ha Mylliem Constituency kin sa ioh pahuh noh ka umbam umdih ha ki shnong ki thaw lyngba ka skhim Jal Jeevan Mission. Kitei ki shnong kiban ioh ia katei ka skhim kin kynthup ia ka Umlyngka, ka Lawsohtun bad ka Nongkseh.
Ia kane u Myntri Rangbah ula pynbna ha ka jingialang plie ia ka Milk Collection Centre ha Umlyngka hadien ba u MLA ka thain Bah Hamlet Dohling u la pyntip ba ka jingeh kaba ba katei ka thain ka kynduh kadei ka jingkyrduh ka umbam umdih.
Katkum ka jingong jong u, ym dei tang kitei ki lai tylli ki shnong kiban sa pahuh um hynrei ki don ruh bun kiwei pat kiban sa myntoi lang na katei ka projek.
