Tura, K’lyngkot 30 : U Myntri Rangbah ka Jylla bad National President ka National People’s Party (NPP) Conrad K Sangma hynne ka sngi ula sdang ia ka jingialap elekshon hala ka jong ka Constituency-51 South Tura da ka jingpyni ia ka jingdon ki nongkyrshan ha madan New Tura Law College.
At the 51-South Tura General Election Meeting, I reassured the people who have blessed me with their support that the NPP will continue to work for them. We do not make empty promises, we deliver them. Urge the people’s support to ensure the victory of NPP in 2023. pic.twitter.com/PrRDAwOhNM
— Conrad K Sangma (@SangmaConrad) January 30, 2023
Ha kane ka rally la wan ban iashimbynta ia palat 5000 ngut ki nongkyrshan na ka Consituency kiba kyrshan ia ka jinglong kyrtong jong u ha ka elekshon.
Haba pan ia ka jingkyrshan ia ka NPP ha kane ka elekshon ban long ha ka 27 tarik Rymphang, u Myntri Rangbah ula kren halor ki kam pynroi bapher bapher bala pyntrei da ka sorkar jong u ha kine ki san snem, kaba u ong ba ka dei ka kam radbah kaba la khyllie ia ka 15 snem ka jingsahdien ha ka Jylla khamtam ka Ri-lum Garo bad khamtam eh ia Tura Constituency.
“Phi kum ki Nongthep Vote ka Tura phi la kyrshan ia ka jinglong kyrtong jong nga ha ka elekshon shiteng samoi bad phi la pynjop ia u da 8500 vote. Da ka jingkyrshan jong phi, nga la lah ban leh shibun ki kam ha kine ki san snem ha baroh kawei ka Jylla bad ka Tura ruh kumjuh” ula ong.
U Conrad ula ong ba ka Sorkar jong u kala buh kongsan eh ym tang kawei ka mat hynrei baroh ki kam pynroi ha baroh ki liang. “Nga la kren sha ki lad pathai khubor hadien ka jingshim ia ka sorkar ha u 2018, Nga la buh kongsan ha baroh ki tnad la ka dei ka pule ka puthi, ki kam pynroi nalor ki samla bad ki kam ialehkai”.
“Lada ngim lah ban pynjanai ia ka jingshakri ka Sorkar, da lei lei ruh ngim ym iohi ia ka jingkiew ka Jylla. Ta ka daw, kaba nga buh hakhmat eh ka dei ka jingsynshar kaba bha, ka jingai jingshakri kaba janai, ka rukom pyniaid janai ia ki kam kaban pynthikna ba ki kam pynroi kin ym long tang ha kawei ka kam hynrei ha baroh ki tnad treikam” ula bynrap.
Haba kren halor ka rukom pyntreikam ia ka MGNREGS, u Conrad ula ong ba hapoh kane ka Sorkar jong u, ka jingbei tyngka ia ka MGNREGS jobCard Scheme, kaba ju neh kumjuh ha kine ki 20 snem, kala kiew bak ly bak.
“Ha u 2018, ka jingbei tyngka ka long tang T. 500 klur ia ka MGNREGS hapoh ka Jylla hynrei hadien ba ngi shimti, kala kynjoh ia ka T. 1800 klur, kaba lah ban nym urlong hynrei namar baroh ki la urlong namar ba ngi la peit pyrman bad pyntreikam bha ia kawei pa kawei ka project lyngba ka jingsynshar bha” ong u Conrad.
Haba kren halor ka jingtreikam jong ka Sorkar jong u, “Ngi don hatdong duh ha ka jing pyntrei ia ka MGNREGS kata hapdeng ka 25-26 napdeng kiwei pat ki Jylla, hynrei ha kine ki san snem, ngi la long kawei na ki Jylla ba hakhlieh duh ha ka jingpyntrekam. Kane ka long ruh kumjuh ruh ia ka skhim PMGSY…ka Jylla ka don hatduh eh bad ka Jylla kala shah thoh dak iong (balcklist) hynrei ngi la pynkylla ia kane bad mynta ka Jylla ka dei kawei na ki Jylla ba lah ban pyntreikam bha ia ka PMGSY ha ka Ri”.
Ula ong ba mynshuwa ka Meghalaya kala lah ban pyntrei tang 700 km ka surok ha ka 15 snem hynrei hadien ka jingshimti ka NPP ia ka sorkar hapdeng u 2018 haduh 2022, haduh 2000 km ka surok la dep ban pyntrei hapoh ka Jylla.
Haba kren halor ka jingjop jong ka Jylla ban pyntreikam ia ka JJM, u Conrad ula pyntip ba ka Meghalaya mynta ka dei ka nuksa ia kiwei pat ki Jylla haba pyntreikam ia ka Jal Jeevan Mission (JJM) ban pynpoi umbam umdih sha ki longiing longsem.
“Wat u Myntri ka Jal Shakri na ka Sorkar India, Rajendra Shekhawat ha ka por ba u wanha Shillong, ula kren ia ki Nongthoh khubor ba kiwei ki Jylla kin hap ban bud nuksa ia ka Jylla Meghalaya” ong u Conrad.
Une u Khliehduh ka NPP ula ong ba kaei kaba ka Jylla Meghalaya kala lah ban leh ha kine ki san snem, kala pynlong ia ka New Delhi ban shong beit bad ban ithuh ia ki kam ka Meghalaya.
“Mynshuwa, ka New Delhi ka ju khein ia ka Meghalaya kum ka Jylla ka bym lah ban pyntreikam ia ka song pisa bala ai sha ka Jylla. Hynrei mynta, ki la krren halor ka jingkiew ha ka roi ka par ka Jylla. Kane ka dei ka jingaimynsiem ia ka Meghalaya” ula ban jur.
U Conrad ula kular ia ki paidbah “Ka jingphohsniew jong nga ka long ban pynlong ia ka Meghalaya ka Model State bad ban iakot kyrdan kumjuh bad kiwei ki Jylla hapoh ka Ri”.
Danced with the people to the NPP anthem today. Grateful for all the love showered by the people at the 51-South Tura General Election Meeting of the National People’s Party.
NPP Again for 2023! pic.twitter.com/wVI33H36cr
— Conrad K Sangma (@SangmaConrad) January 30, 2023
