Shillong K’lyngkot 26: Ka jylla Meghalaya ha ryngkat bad ka Ri hi baroh kawei, kala rakhe ia ka Republic Day kaba 74 hynne ka sngi palei, ha kaba u Lat ka jylla u Brig. (Dr.) BD. Mishra (Retd.) ula pynher iaka lama jong ka ri ha Madan Polo Shillong.
Haba ai jingkren ha kane jingialang, u Lat ula ong ba ka jylla ka mad iaka jingshongsuk shongsain bad wat na ka liang jong ka kynhun kieng atiar HNLC ruh kala phah ktien ban iakren iasuk noh khlem ka jingbuh ia kino kino ki kyndon.
U Lat ula ong ba ka sorkar jylla kala shimkhia ban iapynbeit ia u pud u Sam uba thikna bad ka jylla Assam
Ula ong ba ka jylla shen kan jied ia ki nongmihkhmat ban leit mihkhmat ha ka iingdorbar thawain kumta ula kyrpad ia baroh ki nongshong shnong ka jylla khamtam eh I nki samla ba kidei ban mih shakhmat ban iashimbynta ha ka elekshon ban jied ia ki MLA ka jylla.
Ha kane ka sngi u Lat ula shim ruh ia ka Rashtriya Salute na ki kynhun kiba iashimbynta ha ka jingiaid parade bad la pynihpuh ruh ia kane ka jingrakhe da ka jingleh drill Jong ki Meghashakti Womens Commandoes bad ka jingpyninam ia ki Tableau kiba la pynkhreh kyrpang da ki tnad bapher bapher.
Nalor kane u Lat ula sam ruh iaki khusnam Meghalaya Day Award 2023 sha ka kong Sweetymon Rynjah kaba la ioh iaka Tirot Sing Award ha ka thoh ka tar, ka Dr Jennifer V Basaiawmoit kala ioh iaka Pa Togan N Sangma Award ha ka jingsynniang iaka imlang sahlang ha ka jingai jingsumar ia ki khmat bad u Klingson D Marak ula ioh iaka
Kiang Nangbah Award ha ka kam ialehkai.
Ha katei ka prokram la pynbna ruh iaka kyrteng jong kiba ioh pdiang iaka President’s Home Guards & Civil Defence Medal kiba kynthup ia u Homesingh Khongjoh, Havildar (HG); Bipul Khongwir, Havildar (HG); Ambrush A. Sangma, Havildar (HG) bad u Pynkhambor Harris Khongsngi, Senior Staff Officer (CD)
Nalor kane kiba ioh iaka President’s Police Medal ki kynthup ia u Prodenson Sangma, Havildar, 1st MLP Bn, Mawiong bad ka Police Medal for Meritorious Service ia u Upendra Mothey, ABSI jongka 2nd MLP Bn, Goeragre, u Bah Kolan Swer, Havildar bad u Ram Bahadur Sonar, ABC/32, Tura.
Ki pulit kiba ioh iaka Chief Minister’s Police Medal-2022 ki kynthup ia u DGP ka jylla u Dr. L R Bishnoi, IPS, Bah Vivek Syiem, IPS, SP (City); Queenie A B Fancon, MPS, Asst. Commandant SF10, Ravi K Sangma, MPS, North Garo Hills, u Marbin B Marak, MPS, 5th MLP Bn, Samanda, East Garo Hills, Bah Wisonroy Nongtdu, UBI, East Jaintia Hills; Simseng A Sangma, UBI, In-Charge Special Operation Team/Anti Narcotic Task Force, East Khasi Hills, Bah Johnny Foster Thangkhiew, UBI, SB (HQ), Bah Samuel Wanniang Sainsyiem, UBSI, SB (HQ), Kong Ibashisha Kharpran, WPSI West Jaintia Hills, u Nabin Chandra Barman, SBC, Special Branch, Kong Rephika Mawlong, AB/WPC, Office of Superintendent of Police, East Khasi Hills, Wanjop Pakyntein, C.OPR, MPRO HQ, Shillong, Ibanri Syngkli, WP.BNC, 6th MLP Bn, Umran bad u Siddarth Thapa, BNC, 1st MLP Bn.
Ha ka jingiakob pyni ia ki Tableau ia ka nam lahduh la ioh da ka tnad Horticulture Department, ka tnad AH & Veterinary Department kala wan baar bad ka DCIC-East Khasi Hills kala wan Balai.
