Shillong, K’lyngkot 26 : Ka National People’s Party (NPP)-Women Wing ka North Shillong Constituency, kala pynlong ia ka jingialang kynmaw burom ia ki 1625 ngut ki briew ba iap na ka khlam Covid-19 da ka jingiathang mombiti ha Khyndailad.
Palat 30 ngut ki briew kila wan iashimbynta ha kane ka jingialang ha Khyndailad ban kynmaw burom ia ki mynsiem kiba la khlad khlad bad ban ai ka jingkyrshan ia kito ki longiing kiba la duh noh iala ki jong ki bahaiing hasem na kane ka khlam.
Haba kren ha ka jingialang, ka President ka NPP North Shillong Kong Eldora Lyngdoh kala ong ba tang ki briew kiba la duh noh iala ki jong ki baieid bathoin kin sngewthuh ba haduh katno kane ka khlam kala ktah ia ka iing ka sem jong ki.
Kum ka dak ka jingkynmaw burom, la pynlong ruh ia ka jingsngap jar bas hi minit ha kane ka jaka. U kyrtong ka NPP na North Shillong Bah Ransom Sutnga, ula iadonlang ha kane ka jingialang ban pynshngain ia ki Longkmie.
