-->

Dawa tohkit CBI ka Congress hadien ka jingioh kurup drok na Manipur

Date:

Share post:

Imphal, K’lyngkot 25 :Hadien ka jingioh kurup shibun bah u drok na ka kynhun ki pulit ka Manipur kiba dang wanphai na Moreh ha ka 16 tarik mynta u bnai, na ka liang ka Manipur Pradesh Congress Committee (MPCC) ka la pynlong da ka jingiakhih shong kyllainmungor ha kiba bun ki jaka, kum hapoh Congress Bhawan BT Road Imphal West, District Congress Committee Kakching ha ryngkat ka jingiatreilang bad ki Block Congress Committee (BCC) Kakching, Wabagai, Hiyanglam bad hakhmat ka ophis ka BCC Kakching ha Kakching Bazar.Ha kane ka jingiakhih na ka liang ka party ka la dawa ruh ba dei ban aiti ia kane ka jingioh kurup drok sha ka CBI

Haba kren sha ki lad pathai khubor, u general secretary ka Manipur Pradesh Congress Committee (MPCC), u P Sharatchandra u la ong ba ki la don shibun bah ki case kiba iadei bad ka jingshah kem jong ki nongkhaii drok kaba kynthup ruh ia ki bor pulit.Hynrei, ha kiba kum kine ki khep kine ki briew ki la ioh lait noh ha ka jaka ban pynshitom ia ki. Ka jingioh lait noh jong u Lukhosei Zou ia uba la shim ba u dei uwei na ki snar khaii drok ba shyrkhei ka dei ka nuksa kaba hakhmat eh.

“Ka Congress kam don ka jingshaniah ha kaba iadei bad ka jingtohkit halor ki kam drok da ki bor pulit ka Manipur.Ki paidbah ka jylla kim sngew hun satia ha kaba iadei bad ka jingpyllait noh ia u Lukhosai Zou uba la lait jamin noh wat hadien ka jingdonkti ha kiba bun bah ki kam khaii drok.Kumta ngi dawa jur ban aiti noh ia kane ka jingioh kurup drok ba dang shen na ki san ngut ki pulit jylla sha ka tnat CBI,” ong utei u nongialam ka Congress.

Nalor kata u la kynnoh ba ka sorkar jylla ka ju pynshitom tyngeh tang ia kito ki nongkhaii drok kiba rit ba ria, katba ki briew kiba la shah kynnoh donkti hakhmat eh ki lait da kaba suk.Kumta kaba kum kane ka jingleh jong ka sorkar ka long kaba sngew bynniaw shibun.U la ong ba ka sorkar ha ka jingshisha ka dei ban pyntreikam pura ia kane ka thma drok khlem da khein ia kiba rit ne ba khraw bad ban pynshitom ia ki katkum ka ain.

Ha kine ki jingiakhih ki nongiashim bynta kila rah ruh ryngkat ki jingthoh kiba ong “Ka tnat kam pohiing ka la pulom, aiti ia ka jingioh kurup drok na ki pulit sha ka CBI” bad “Weng noh ia u director general of police” nalor kiwei pat.

Share post:

-->
spot_img

Popular

More like this
Related

Wer ka Seng Khasi ia ki paidbah sha ka jingrakhe Seng Kut Snem kaba 127

Shillong, Naiwieng 20 : Ka Seng Khasi Kmie, Shillong...

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Shillong, Naiwieng 20 : U Myntri Rangbah Conrad K...

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...