Shillong, K’Lyngkot 24: Ki bor district ka West Jaintia Hills ba kynthup u Deputy Commissioner (DC) ka West Jaiñtia Hills u bah B.S Sohliya, u Superintendent of Police (SP) u Bikram D Marak bad u Adhoc Commandant of SSB Camp u S. Chauhan kila leit ban jurip iaki jaka thep Vote (Polling Stations) hapoh ka shnong Lapangap, Khanduli bad Saitsama.
Kane ka jingleit jurip da ki heh bor district kadei kum shi bynta ban pynkhreh iaka ilekshon 2023 bad ha kane ka jingjurip ia kine lai tylli ki shnong, kine ki heh bor district kila iakynduh ruh iaki BLOs, ki Waheh Chnongs bad iaki riew rangbah ban pynshai halor ka jingpynkhreh iaka ilekshon ha kine ki shnong bad ka thain.
Ha kane ka jingleit jurip, u DC ka West Jaintia Hills u bah B.S Sohliya ula wad jingtip halor ka jingdon ki nongthep Vote, ka jingdon ki briew ba duna dkhot met bad ki nongthep Vote kiba la palat 80 snem naka bynta ban pynbit pynbiang iaka jingdonkam jong ki ha ka sngi thep Vote.
U bah Sohliya ula bthah ruh ban shna ki jaka iaid (Ramps) ha ki jaka thep Vote naka bynta ki briew ba duna dkhot met, ban pynbiang bording, ki jaka leit shabar, ka umdih bad kiwei kiwei de ki jingdonkam namar kane long katkum ka hukum ka ophis Election Commission of India (ECI) ban pynbit pynbiang iaki jingdonkam jong baroh kiba wan thep Vote.
Ha kane ka sngi u DC ka West Jaintia Hills ula kyntu ruh iaki rangbah shnong ba kim dei ban pyni ba ki kyrshan ia kino kino ki kyrtong hynrei kidei ban thep Vote katkum ka jingsngew mon laitluid.
Nalor kane u DC ula ai ruh ka shithi sha ki Waheh Chnongs ban pyntreikam iaki kyndon ka ECI
