Shillong K’lyngkot 24: Da ka jingshimkhia u Lat ka jylla u Brig. (Dr.) B.D Mishra (Retd.) ka Raj Bhavan, Shillong hynne ka sngi, kala pynlong iaka jingiakob ialehkai Basketball bad Tennis ha ka Basketball bad Tennis Court kaba dang shu dep ban tei thymmai ha Raj Bhavan, Shillong.
Katei ka jingiakob kala sdang hynne ka sngi bad kan kut haka 28 tarik mynta u bnai.
Ha ka liang ki shynrang kila don 8 tylli ki kynhun kiba la iashimbynta haka jingialehkai Basketball katba ha ka liang ki kynthei kila don tang 2 tylli ki kynhun kiba la wan ban iashimbynta.
Ha ka jingialehkai Tennis kila don 14 ngut ki nongialehkai kiba la wan ban iashimbynta ha katei ka jingiakob.
Hynne ka sngi ka Umroi Military Station kala pynliem iaka Assam Rifles bad kane ka jingiakhun kala long kaba itynnad bha.
