Shillong Nohprah 27: Ki shipai Border Security Force (BSF) Meghalaya Frontier kila ioh ia u Inspector General ba thymmai uba la tip kyrteng kum u Pradip Kumar.
Une u heh IPS ula wan shimti kum u IG ba thymmai ha ka 24 tarik mynta u bnai.
U Pradip ula shimti ia katei ka kam na u Inspector General Inderjit Singh Rana uba mynta yn leit ban khmih noh iaka BSF Training Centre, Hazaribag hadien ba ula pyndep ban khmih iaka BSF Frontier Meghalaya mynta la shi snem shiteng.
U Pradip Kumar udei uba la pyndep iaka IPS na Tamilnadu ha u snem 2003 bad ula shimti kum u DIG Confidential/ Vigilance ha Force Headquarter,New Delhi hashwa ba yn khmih iaka BSF Frontier Meghalaya.
Haba shimti ban khmih iaka Meghalaya Frontier u Pradip Kumar ula ban jur iaka jingdonkam ban don ka jingiasnohkti lang bad ban don ka jingiatreilang hapdeng baroh kiba don bynta na ka bynta ban lah ban khmih bad ban pyniaid ia ki kam ki jam ha ki thaiñ khappud bad ka ri Bangladesh.
Ula buh iaka thong ba ia ka roi ka par bad ban kyntiew ia ka jingim jong jongki paidbah kiba sah ha khappud ka long kaba hakhmat eh.
