SHILLONG, Jylliew 24: Ki Nongialam jong ka All India Trinamolol Congress (AITC) hynne ka sngi, kila leit ban kner lem iala ki jong ki lad jingiarap sha ki lanot shlei um bad twa khyndew ha South Garo Hills District.
U Nongialam ka Liang Pyrshah haka ïing dorbar thawaiñ ka jylla Dr Mukul Sangma, u la leit jurip ia ka thaiñ Rongara-Siju bad u la ai jingiarap ia ki paidbah kiba la shah ktah jur haka bor mariang.
U Dr Mukul ha katei ka jingleit jurip u la pynthikna ia ki paid nongshong shnong ba yn bteng ban ai jingiarap ia ki longïing kiba la shah ktah jur na ka jingshlei um.
Katkum ka kyrwoh khubor naka seng All India Trinamool Congress (AITC) kala pynpaw ba ka jingleit jurip u Dr Mukul Sangma ka pyni shai kdar iaka jingbym shongthait ban ai ka jingkyrshan ia ki paidbah kiba la shem lanot bad ka seng ka kular ruh ban trei na ka bynta ki paidbah.
Kumjuh ruh u Vice President ka AITC bad MLA ka Rangsakona Zenith M Sangma ula leit ban pynpoi ia ki marbam sha ki 900 tylli ki Longiing jong ki 11 tylli ki shnong ha Rangsokona kiba shah ktah ha ka jingther u lapbah.
