Shillong, DEC 13: Kumba 12 tylli ki project kiba kot T.340.50 Klur la dep ban bhah sha ka jylla Meghalaya ha ki tnad bapher bapher lyngba ka North East Special Infrastructure Development Scheme (NESIDS).
Kane ka long na ki 145 tylli ki projek kiba la bhah sha ki jylla ka thain Shatei Lam Mihngi kaba kot haduh T. 3392.99 klur kat haduh ka 7 tarik u Nohprah 2022.
Ka Ministry of Development of North Eastern Region (DoNER), ryngkat ka jingiatreilang bad ka North Eastern Space Application Centre (NESAC), Department of Space jong ka Sorkar India, kala pynmih ia kawei ka project monitoring Mobile Application.
Ia ka jingpyniaid iaki kam ki jam jong ki project kiba kyrshan da ka tnad DoNER la khnih bad peitngor ha ki lai bynta kata lyngba ki mobile apps, ki dur na Satellite bad ki dur na ki Drone.
Kat haduh u Naiwieng 2022, na ki 588 tylli ki project, 562 tylli ki project ha ki 1664 ki jaka bapher bapher jong ka thain Shatei Lam Mihngi, la dep ban leh iaka Geo-Tagged lyngba ki dur ki dar na Satellite bad Mobile App.
Nalor kane, ka North East Cane and Bamboo Development Council (NECBDC) kala dep ban mang haduh 14 tylli ki project kiba kot T.90.86 klur ba pyndonkam da ki siej haka mang tyngka jong u snem 2015-16 haduh 2021-22.
