“Ngin hap shim rem ia ka bai kali”: Driver
Nongpoh, Naiwieng 23 : Ki kali kamai Tourist na Meghalaya bad Assam ruh kumjuh, kila hap ban pynkut ia ka kamai passenger tang haduh ha Jorabad, Ri-Bhoi District, ban kiar na kino kino ki jingma kiba lah ban kyan na ka jingjia Mukroh.
Ki Pulit ka Assam kila khang naduh hynnin ka step ia ki kali Tourist ba don ia u nombor plate Assam ba kin wan kiew sha Meghalaya bad ki kali kamai baroh kila hap ban pynhiar ia ki passenger ha Jorabad ban shngain ki nongleit nongwan.
Namar kane, ki kali Tourist na Meghalaya ruh mynta kila shim ia ka rai ban pynkut ia ka jingkamai ne pynhiar ia ki passenger ba hiar na Shillong sha Guwahati, tang ha Jorabad khnang ban ai kamai lang ia ki kali Tourist ka Assam kiba la duh kamai namar ka jingjia ha Mukroh bad ban nym wanrah ruh ia ka jingsngew iapher jingmut.
Hynrei kine ki nongniah kali tourist kila ong ba kane ka rukom kamai kala ktah jur bha ia ka kamai ka kajih jong ki haba kyntu ia ki bor Sorkar ba kin pynbeit noh kloi ia ki jingiakynad bad ban wanrah biang ia ka shongsuk shongsain ha baroh ar Jylla.
Kila pynpaw ba lada kane ka jinglong jingman ba mynta ka iai bteng, ki kali tourist kim banse ban hap pynkiew noh ia ka bai kali ban lah pynmih ia ka kamai na ka daw ka jingkamai shiteng lynti.
