Shillong Naiwieng 20: Ki shipai BSF kiba pahara ha ka thaiñ khappud, ha ka sngi Saitjain kila ioh kurup 1025 bilor ka dawai Phensedyl kaba shongdor T. 2.1 lak, na ka thaiñ khappud kaba hap ha West Jaintia Hills , ia kaba la thmu ban khaïi be-aiñ sha ri Bangladesh.
Tang ha une u snem, ki BSF Meghalaya kila ioh ban kurup haduh 7433 bilor ka phensedyl na ki thaiñ khappud jong ka ri India bad Bangladesh.
Ki shipai BSF kila pynjur bha iaka jingpahara ha ki thaiñ khappud ban pyrkhing bad ban tehlakam ia kino kino ki jingthmu ban leh iaki kam khaïi be-aiñ.
