Shillong , Naiwieng 15: U Myntri ka sorkar jylla uba khmih iaka tnad Arts and Culture u Bah Sanbor Shullai uba long ruh u MLA ka South Shillong Constituency, ha ka sngi nyngkong ula plie paidbah ia u mot sahnam jong u (L) DN Joshi uba long u MLA barim ka jylla uba la pynieng ha phyllaw jong ka Meghalaya Veer Gorkha Ex-Serviceman’s Welfare Association (MGEWA) kaba don ha Jhalupara Shillong.
Ia une u Mot sahnam la tei da ka jingsynniang pisa jongu Bah Sanbor, ka MGEWA bad ki bahaiing bahasem jong u (L) DN Joshi kum ka dak ban kynmaw burom ia une u nongmihkhmat barim jong ka Cantonment bad Mawprem Constituency.
U Bah Sanbor ula pynkynmaw ia u synniang uba la noh da u DN Joshi iaka imlang sahlang lyngba ka kam saiñ pyrthei ha ka por ba ula shah jied kum u MLA.
Ula ong, ba u Joshi ula shah jied haduh 6 sien kum u MLA ka jylla naduh u snem 1972 haduh 2002 bad udei ruh uba nyngkong eh ba ki bym dei ki riewlum (non tribal) uba nyngkong eh ha ka jylla, ban ioh long kum u Myntri ka sorkar jylla.
Ha katei ka jingplie ia u Mot Sahnam la iadonlang u President ka MCEWAN u Subodh Joshi, ki bahaiing bahasem u DN Joshi, ki nonghikai, ki dkhot ka Jhalupara Village Council, ki nongshong shnong bad kiwei kiwei
