Agartala, Naiwieng 14 :Shi sngi hadien ka jingshah thombor jong u national president ka BJP ST Morcha uba dei ruh u MP u Sameer Oraon, na ka liang u Myntri Rangbah (CM) ka Tripura u Dr Manik Saha ula maham ia ka TIPRA Motha da kaba ong ba kin ym map iano iano ruh.
Haba aijingkren ha ka jingialang sahkynmaw hapoh Lal Bahadur Chowmuhani ha Agartala, kata shibynta ka jingleh burom da ka seng BJP ia u nongialam ba la shah pyniap jong u u Shyamhari Sharma, na ka liang u CM ka Tripura ula kam ba ka Congress bad ka CPIM ki dei ki party jong ki kam pyntriem kiba wanrah ka jingshong syier ha ka imlang ka sahlang.
“Congress ka mut ka party jong ki kam pyntriem kumjuh kumba long ka CPIM.Kam don satia kano kano ka jingiapher hapdeng jong ki.Ki long kum ki ar bynta jong kajuh ka pisa nar.Ngi la sakhi naduh kine ki khyndiat sngi ba la dep halor ki kam pyntriem lyngba ki bom bad ki suloi.Ka CPIM bad ka Congress kila shim ia ki sienjam kiba long pyrshah ia ka imlang sahlang bad ia ki paidbah nongshong shnong.Namar jong ki, kiba bun ki nongialam ka BJP kaba la sdang na u Shaymhari Sharma, u Nisikanta Chakma bad kiwei pat” kam u Dr Saha.
Da kaba kam ba ka CPI(M) bad ka Congress kila leh ia ki kam pyntriem na ka bynta ban ioh bat ha ka bor, na ka liang u myntri rangbah ka Tripura ula ong; “Kala don ka kolshor jong ki kam pyniap, ki kam pyntriem ha ka por jong ki sorkar kiba la leit noh. Ki kwah ban wan ha ka bor da kaba pyndonkam ia baroh ki lad ki lynti jongk i kam bymman. Ngim don ka jingngeit ha kiba kum kine ki jingleh bad ngim lah ban shah ia kiba kum kine.Ki party liang pyrshah kila kynnoh beain ba ka jinglong ha ka jylla kala hiar arsut.Nga don ia ki jingioh jingkhein katkum ka NCRB hapdeng ki 28 tylli ki jylla ka Tripura ka wan ha ka kyrdan kaba 5 ha kaba iadei bad ka jinglah ban tehlakam ia ki jinglong jingman kiba iadei bad ka jinglah ban wanrah ia ka shongsuk shongsain.”
Shuh shuh u CM Saha ula kam ruh ba hadien ba ka BJP kala thaw ia ka sorkar haduh kumba 40% na ki kam pyntriem, kum ki kam pyniap, kam leh beijot bad kiwei kila hiar ha ka jylla.
“Mynta Nga la ioh pdiang ia ki katto katne ki khubor kiba ong ba ki nongkyrshan jong ka TIPRA Motha kila thombor ia ki katto katne ki nongtrei ki jong ngi kumjuh ia u Janajati national president u Sameer Oraon.Halor kasne la ioh ban kem noh ia khyndai ngut ki briew bad yn ym map iano iano ruh,” maham u CM Manik Saha.
