Shillong Naiwieng 11: U Myntri ka Sorkar Pdemng uba khmih iaka Road Transport & Highways u Nitin Gadkari hynne ka sngi ula pynbna ban bhah T.1.6 Lak Klur iaka Thaiñ Shatei Lam Mihngi na ka bynta ban pyntreikam ia ki projek kiba thymmai.
Ha ka sngi kut jong ka Review Meeting halor ka jingpyntreikam ia ki National Highways Project ha ka thaiñ North East kaba la long ha Guwahati, Assam u Nitin Gadkari haba iakren bad ki nongpathai khubor ula ong, kitei ki projek kiban pyntreikam ki kynthup ban shna iaki surok, Ropeways, RoBs, ki jingkieng kiba heh haka wah Brahmaputra bad ha kiwei kiwei ki wah.
U Gadkari ula ong, ba la tyrwa ruh ban shna ia ki Multi Modal Logistics Parks ha Udaipur, Tripura & Silchar, Assam.
U Myntri ka sorkar pdeng ula ong, hapoh ka jingialam u Myntri Rangbahduh ka ri u Narendra Modi kila trei shitom ban pyniasoh ia ki jylla jong ka thain North East khamtam ha kaban kyntiew ban ban pynsuk iaka leit ka wan jong ki paidbah ka thaiñ.
Ula ong, yn tei ruh kumba 50 tylli ki Way Side Amenities bad 50 tylli ki View Point bad shisien ba la dep ban tei iaki kan iarap shibun ha kaban kyntiew iaka kam jngohkai bad iaka ioh ka kot jong ki paidbah ka thaiñ shatei lam mihngi jong ka ri.
