Shillong, Naiwieng 02 : U Myntri Rangbah ka Jylla Conrad K Sangma hynne ka sngi Balang, ula pyllait paidbah ia ka “Citizen Engagement and Communication Programme” ha ka jingialang ba long ha District Auditorium Tura.
This is our aim for grassroot penetration of all schemes so that governance is improved in all aspects. Encourage the team to sensitize themselves so that they can in turn sensitize the public regarding all the available schemes. I wish the team the best!
— Conrad Sangma (@SangmaConrad) November 2, 2022
Haba kren ha ka jingialang, u Myntri Rangbah ula ong ba ka Sorkar Jylla kala wanrah ia ki prokram bapher bapher ban ai jingmyntoi ia ki paidbah bad dei ban pynsaphriang ia ki jingtip halor kane khnang ba ki paidbah kin tip bad iohnong.
Kat kum ka jingong jong u, kane ka prokram ka dei kaba thmu ban ai jingtip sha ki paid byllien khnang ba ki briew kin ioh ia ka jingtip ba dei ba kin ioh ia ki jingmyntoi jong ki skhim bala pyllait da ka Sorkar.
Haba pyntip sha baroh ki Ophisar na baroh ka thain Ri-lum Garo, u Conrad ula ong ba ka dei ka kamram jong ka Sorkar ban pynsngewthuh ia ki paidbah halor ki prokram bapher bapher jong ka Sorkar lyngba ki jingialap ba hap pynlong ha man ki jaka bad ruh ban wah ia ki jingtip ha ham ki Ophis jong ki Block.
“Ka jingtip ka dei ka jingstad bad ki paidbah ki dei ia kaban tip halor ki jingmyntoi bala wanrah da ka Sorkar” ong u Myntri Rangbah.
