Shillong, Jylliew 21: Ka Ministry The Minority Affairs and Ministry of AYUSH, ka sorkar India ha ka jingiatreilang bad ka Sorkar Meghalaya, hynne ka sngi ba-ar kila rakhe ia ka International Day of Yoga ba phra halor ka matpdeng ” Yoga for Humanity” ha Convocation Hall, North Eastern Hill University (NEHU), Shillong.
U John Barla , Myntri Khynnah ka Minority Affairs ula pynshongkun ia kane ka jingrakhe kum u Kongsan bad u Myntri ka Tnad ka Koit ka Khiah James PK Sangma kum u Symbud kongsan.
Haba kren ha ka jingialang, u Myntri Khynnah ula ong ba ka jingrakhe mynta u snem ka kham kongsan bha naba ka ri ruh ka dang rakhe ia ka jingdap 75 snem ha ka jingioh laitluid.
Haba pynpaw ba ka jingleh yoga kam dei ban shu kut tang ha kane ka sngi ba rakhe kyrpang ia ka , u Myntri Khynnah ula kyntu ia kiba iashimbynta ban pynlong ia ka yoga kum ka routine va man la ka sngi bad ban pynsaphriang ia ka khubor sha man ki thliew iing khnang ban lah kynjoh ia ka thong ” Fit and Healthy India”.
U Myntri ka Tnad ka Koit ka Khiah James PK Sangma ula pynpaw ia ka jingsngew nguh ban iadon bnta lang ha kane ka jingrakhe mynta u snem bad ong ba ka dei ka kam ba sngew sarong ban long u nong India naba ka yoga ka dei kaba mih na India.
Ha kane ka jingrakhe, u Myntri Rangbah Duh ka Ri u Narendra Modi ula ai jingkren sha ki nongshongshnong ka ri lyngba ki kor video na Mysuru, Karnataka.
Kum shibynta jong ka jingrakhe, ka kynhun na ka North Eastern Institute of Ayurveda & Homoeopathy (NEIAH), Shillong kala pynlong ia ka jingkilan met ia kaba la iashimbynta kumba 800 ngut ki briew kynthup ia ki samla pule ka NEIAH, Shillong Polytechnic bad ki shipai nalor kiwei kiwei.
