Shillong, Risaw 31: Ki pulit jong ka tnad ANTF East Khasi Hills hynne ka sngi nyngkong, kila ioh ban kem ia uwei u nongkhaïï drok na Jyngkieng Nongthymmai, Shillong bad la ioh ban kurup ia u drok Heroin uba don 217 gram.
Ki pulit kila pyntip ba na utei u samla uba la shah kem la ioh ban kurup ia u drok Heroin 217.19 gram, kawei ka Scooty Yamaha kaba don ia u nombar ML05Q 8300, kawei ka mobile phone, 16 tylli ki synduk buh sabon kabala thep ia u drok, kawei ka pla rong saw bad rong blu kaba la thep ia u drok bad iaka pisa T.3,31,590.
Ki pulit hadien ba kila kem bad kurup ia u drok kila rejistar kes pyrshah ia une u samla ha Laitumkhrah Police Station.
