Shillong, Rymphang 20: Ka Congress ka pyntip ba u Nongialam ka seng, u Rahul Gandhi un sa wan ialap elekshon ha ka 22 tarik mynta u bnai ha Madan Malki, Shillong.
Ia katei la pyntip da u MP naka jylla Assam u Gaurav Gogoi ha ba iakren bad ki nongthoh khubor hynne ka sngi ha Congress Bhavan, Shillong.
U Gogoi ula ong, ba u Rahul Gandhi yn wan poi ha nongbah Shillong bad ha ka 22 tarik (Sngi Balang) yn leit ban ialap elekshon haka jingialang jong ka seng Congress ha Madan Malki ha ka por 10 baje mynstep.
Kane ka jingwan ialap elekshon u Rahul Gandhi ka dei shi bynta ban pan iaka jingkyrshan na ki paidbah ka jylla ba kin jied ia ki kyrtong bad ia ka Congress ha ka elekshon MLA kaban long haka 27 tarik mynta u bnai.
