Bynniaw ka MAWU ba siew bainong ka Sorkar tang T. 66 shisngi ia ki Nongtrei ASHA

Date:

Share post:

Shillong, Iaiong 01: Ka president jong ka Meghalaya ASHA Worker Union (MAWU) ka kong Mirajune Myrsing hynne ka sngi kala iathuh ba ki 8000 ngut ki nongtrei ASHA ha Meghalaya ki ïoh ka jingsiew ba tang T.2 hajar haka shi bnai bad kumba T. 66 tyngka haka shi sngi.

Ia kane ka kong Mirajune kala iathuh haka jingialang lane ka 5th Convention jong ka MAWU kaba la long ha Dorbar Hall Jaiaw Shyiap Lumpyllon Shillong, kaba la wan ban iashim bynta da ki hajar ngut ki nongtrei ASHA na kylleng ka jylla Meghalaya.

Haba kren sha ki lad pathai khubor hadien ka jingialang, ka kong Mirajune kala iathuh ba kum ka President ba dang shu shah jied thymma, kan nang iai buddien biang ïa ki jingdawa jong ka MAWU bad kane ka sorkar thymmai ka Meghalaya Democratic Alliance (MDA 2.0).
Ka kong Mirajune ka la ïathuh ba ki don palat 8000 ngut ki nongtrei ASHA ha Meghalaya bad wat haka jingsiew kaba tang T.66 tyngka, ki ASHA kila iai trei shitom haka ban shakri iaki paidbah ban kyntiew iaka koit ka khiah ha ki shnong khamtam ha ki thain nongkyndong.

Kala iathuh ba naduh ki por bala leit noh, kum ka nongialam jong ka MAWU kala ialeh katba lah ban iakren bad ka sorkar khamtam ka tnat ka koit ka khiah ban pynsngew iaki jingeh ba ki nongtrei ASHA ki iakynduh hynrei wat haduh mynta bun ki nongtrei ki dang mad shibun ki jingeh.

“Ki don bun ki jingeh ba ki nongtrei ASHA ki ia kynduh hynrei kaba kham eh kadei namar ka jingrit palat ka bainong sngi ba ki ioh namar haduh mynta ki nongtrei ASHA ki ïoh ka jingsiew ba T.2 hajar tyngka shi bnai bad tang T. 66 tyngka haka shi sngi” la iathuh ka kong Mirajune.

Ka kong Mirajune kala ong ba kum ka President ka la buh ka thong ban pynkynmaw biang sha ka sorkar bad lada jia ba ka sorkar kam sngap ia ka jingdawa ki nongtrei ASHA kim banse ban mih sha surok ban pynlong ki jingïakhih lane wat ban iehnoh ia ka kam ba ki trei.

Kala bynrap ba bun ki ong ba nongtrei ASHA ki dei ki nongtrei mon sngewbha hynrei mynta ïa ka kam pat ki shu ai beit da ka hukum ïa ki ASHA ba kin hap ban leh bad pyndep kumta hapoh katta sngi ne hapoh katta kynta.

“Naka liang ka Union naduh ki snem bala dep, kala ai jingmut ia ka sorkar jylla ba kan pynkiew ïa ka jingsiew khlem da buh ïa kano kano ka dor bad ka kynhun ka la ailad ba ka sorkar hi kan pyrkhat ba katno ka lah ban ai hynrei katkum ka jinglong jingman jong ka pyrthei, ka kynhun kan dawa kumba T. 9 hajar eiei ha ka shibnai khnang ba ki nongtrei ASHA kin lah ban im kumba T. 300 ha ka shisngi” la bynrap ka kong Mirajune.

Nalor kane ki nongtrei ASHA kila kyntu iaka sorkar jylla khamtam iaki nongtrei ka tnat ka koit ka khiah ban phai khmat lem sha ki jingeh ba ki nongtrei ASHA ki ia kynduh khamtam haba iadei bad ka jingiada iaki bad ka jingpynkiew iaka bai nong sngi.

Share post:

spot_img

Popular

More like this
Related

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...

Elekshon Lok Sabha | Pdiang ka kong Fenela ia ka rai ka BJP | Yn buddien ia ka jingdawa ILP

Shillong Lber 28: Ka Kong Finela Lyngdoh Nonglait kaba...