Shillong, K’lyngkot 06 : Ka President ka Ri Droupadi Murmu, kan wan ban plie paidbah ia ka 5th Meghalaya Games 2024, ka ban long ha sor Tura, West Garo Hills, mynta u bnai.
Ia kane la pyntip da u Myntri Rangbah ka jylla Conrad K Sangma lyngba ki rynsan Social Media jong u.
Ka Meghalaya Games 2024 kan sdang naduh ka 15 tarik K’lyngkot bad kan kut haduh ka 20 tarik K’ lyngkot.
U Conrad u pyntip ba ka President kan wan iuhkjat ha ka 15 tarik ha Jylla ban plie ia ka Meghalaya Games 2024 bad kan pynlut por 2 sngi ha Jylla.
U pyntip ba ha ka 16 tarik ka President kan wan iuhkjat ha Shillong bad kan iashimbynta ha ki prokram bapher bapher ha Nongbah.
