Shillong, Iaiong 30 : Ka Tnad Public Health Engineering (PHE) ha ka sngi Palei, ka pynbna ia ka jing khang pynpoi um sha ka Greater Shillong Water Supply Scheme ba 12 kynta ha ka 1 tarik Jymmang, 2026 namar ki kam maramot ba donkam kyrkieh.
Kat kum ka notice khang um bala pynmih da u Chief Engineer HS Nongbri ha ka sngi Palei, ka jingpynpoi um kan sangeh naduh ka por 9 baje mynstep haduh 9 baje mynmiet jong ka 1 tarik Jymmang.
“Ia kane la wanrah sha ka jingtip jong baroh ba kan don ka jingkhang khang ba kyrkieh ia ka Greater Shillong Water Supply Scheme ba 12 kynta ha ka 1 tarik Jymang, 2026 naduh ka por 9 baje mynstep haduh 9 baje mynmiet namar ka jinghap maramot pnbeit ia ka 33KV/6.6 KV line na ka bynta ka Pumping System” ong ka notice.
“Hapdeng kine ki kynta, kan nym don ka jingpoi um sha sor Shillong bad ki jaka ba marjan bad yn pyrshang katba lah ban lah pynpoi um kham kloi sha ki paidbah” kala bynrap.
La kyntu ia ki nongshongshnong ba kin pynlang lypa ia ka um ban lah pyndap iala ki jingdonkam ha kine kki 12 kynta ba duh um.
 ha ka sngi Palei, ka pynbna ia ka jing khang pynpoi um sha ka Greater Shillong Water Supply Scheme ba 12 kynta ha ka 1 tarik Jymmang, 2026 namar ki kam maramot ba donkam kyrkieh.){kind=link}