Shillong, Oct 3: Ka Meghalaya Grassroots Music Project ryngkat ka jingiatreilang bad ka Tourism Department bad ka Meghalayan Age, kila pynbna ban pynlong ia ka Meghalaya Grassroots Music Project ka Baar naduh ka 4 tarik u Risaw 2023.
Kane kan long ha Khyndailad, Police Bazar Shillong, ban pyninam ia ki kaitor kiba tbit jong ka jylla.
Namar ka jingjop jong katei ka projek ha u 2022, ka Meghalaya Grassroots Music Project (MGMP) kadei kaba la pynwandur da ka sorkar jylla da ka jingthmu ban saiñdur bad kyntiew ia ki samla kiba don ia ka sap ha ka tem ka put, ki nongthaw jingrwai, ki nongpynwan ia ka sur bad kiwei kiwei.
Katei ka project ka thmu ruh ban pyniasoh ia ka jingiadei hapdeng ka tem ka put, ka rwai ka siaw bad ka kam.jngohkai khamtam haba ka jylla kadei kaba riewspah ha ka kolshor.
U Myntri Rangbah ka jylla u Conrad K. Sangma kum u Kongsan u plie pyrda ia kane ka rynsan ha kaba yn donlang u myntri ka tnad kam jngohkai u Bah Paul Lyngdoh kum u symbud kongsan.
Lah ban ong, ba kitei ki arngut kidei kiba don mynsiem.bha ha ka liang ka tem.ka put ym tang ha kaban kyntiew hynrei wat ha kaban tem bad ban rwai ruh..
Ka Meghalaya Grassroots Music Project la sdang da u Conrad Sangma ha ka 26 tarik u ìaiong 2022 bad kane ka project ka ailad ia ki nongjngohkai bad ia ki paidbah ban sngap ia ki jingtem bad jingrwai ki bapher bapher bad kaba ailad ruh ia ki nongtem bad nongrwai, ki nongpynbiang ia ka jingsawa bad ki nongpyniaid ia ki prokram bad kiwei kiwei kum ka jingkyrshan ia ki bad ka jingaikam.
Kumba 1600 ngut kila iohlad ban pyni ia ka sap ka jongki ha ki Cafe, ki jaka paidbah bad ha ki prokram kiba kyrpang ha ki 10 bnai kiba la dep kum shi bynta jongka
MGMP kaba la pynlong kumba 3000 tylli ki prokram jong ka tem ka put ha Shillong, Tura, Jowai bad Sohra.
Ki nongtem nongrwai kiba la iashi.bynta ha ka MGMP ha Shillong naduh I Jymmang 2022-2023 ki long 1735 ha Shillong, 281 ha Sohra, 117 ha Jowai bad 216 ha Tura.
Ha kaba iadei bad kito kiba tem ba rwai ha ki surok ki don baroh 650 ngut ha Shillong, 325 ha Sohra, 320 ha Tura.
Nalor kane kila don 650 kiba la pynbyrngia ha ki café ha Shillong, 325 ha Sohra, 325 ha Jowai bad 320 ha Tura.
Kala don ruh 15 tylli ki lympung jong ka tem ka put ha Shillong, 1 ha Sohra bad 12 tylli ha Tura.
Hab kren kum u Kongsan ha ka jingsdang ia katei.ka projek ha u snem ba la dep, u
Conrad K Sangma ulanong, “Ngi ngeit ba ka tem ka put ka don ia ka bor ban pyniatylli ia ki jaidbynriew, ban rakhe ia ka jinglong kyrpang bad ban iathuhkhana shaphang ka jaka ka jong ngi. Ka Meghalaya Grassroots Music Project kadei ka jingjular ka jong ngi ban saiñdur bad rakhe ia ka sap jong ki samla ka jylla ban plie ia ka rynsan ha kaba ki nongtem nongrwai, ki nongthaw jingrwai, ki nongthaw ia ka sur bad baroh kiba don bynta ha katei ka bynta kin lah ban kiew shaphrang”.
Naduh ba sdang, ka MGMP kala sakhi ia ka jingbun jong ki samla kiba din ia ki sap ki phong.
Ka sorkar jylla kala buh ruh ia ki jaka ha Khyndailad, Laitumkhrah, Mawkdok bad Sohra na ka bynta ki samla ba kin pyni ia ka sap jongki ha la tem ka put, ki samla ki.ioh ban pyni ia ka sap jongki ha ki Cafe ha Shillong, Jowai bad Tura bad man la ka sngi la pynlong ia ki prokram bapher.
