Yn pynlong ka KJP Synod ia ka phutbol paralok hapdeng ki Pastor bad MLA/Ophisar ka Sorkar

Date:

Share post:

Shillong, Naitung 01 : Ka Khasi Jaintia Presbyterian (K.J.P) Synod Sepngi kan sa pynlong ia ka jingialehkai paralok hapdeng ki Pastor bad ki MLA bad Ophisar ka Sorkar Jylla kum shi bynta jong ka jingrakhe dap 100 snem jong ka Dr. H Gordon Robert Hospital Jaiaw ban pynmih pisa ia ka hospital.

Haba pynbna iakane, u Secretary jong ka Organising Community jong ka Charitable Football Friendly Match, Rev J.R. Thabah u la ong ba ka Pastor’s Fellowship (Ka jingiaseng iasyllok ki Pastor) kan pynlong ia katei ka jingialehkai paralok kum shi bynta ban pynmih pisa na ka bynta ka Dr. H. Gordon Robert Hospital.

Kane ka jingialehkai paralok la rai ban long hapdeng ki Pastor jong ka KJP Synod Mihngi bad ki MLA/Officer jong ka sorkar jylla, pynbna u Rev Thabah da kaba pyntip ruh ba ia kane yn pynlong ha kylleng ki zone jong ka rilum Khasi.

U pyntip ruh ba kane ka jingialehkai paralok kan sdang naduh ka 06tarik Naitung ha Nongstoin Zone bad kan long ha New Nongstoin Play Ground, nangta ha ka 23 tarik Nailar ha Mawkyrwat Zone kata ha Saitsnad football Ground, ha ka 17tarik Nailur kan long ha Ribhoi Zone kata ha Umroi football Ground. Katba ha ka 07tarik Risaw kan long ha Sohra Zone bad 22tarik Risaw ha Shillong Zone kata ha Mawlai Madanheh.

Na ka liang u Administration Officer jong ka Hospital, u Bah KW Marbaniang u la ong ba ka hospital kala shakri mynta la 100 snem, kumta u laong, “Ka Hospital ka la hap ban nangpynheh na ka por sha ka por bad kumta ka jingdonkam na ka bynta kane kum ki jingtrei, ki doktor, bad ki tiar ki la nang bun katba nang iaid.”

Ka jingtei pynheh ia ka kan long ha ki bynta bynta namar ha ka kylla kaba nyngkong kan dei beit ka jingtei ia ka mala ba nyngkong kaban poi 7 klur tyngka kaban sdang shen kata kaban kynthup ia ki Laboratory, Records Room, MRI & X-ray room, Blood collection centre, TB dots, Pharmacy, Orthopedics bad Physiotherapy.

La iathuh ruh ba ka jinglut na kabynta baroh san mala ka jingtei kan poi haduh 44 klur tyngka.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...