Suba u DyCM ba don eiei ha lyndet ba kyrngah ki Nonghikai Adhoc ban sangeh iakhih

Date:

Share post:

Shillong, Naitung 01: U Symbud Myntri Rangbah ka Jylla Bah Prestone Tynsong hynne ka sngi thohdieng ula ong ba ka lah ban don eiei ha lyndet halor ka rai jong ki Nonghikai Adhoc ban bteng ia ka jingiakhih ba khlem pud watla ka Sorkar Jylla kala ai ka jingkular kaba shai kdar ba kan kyntiew noh ia ka Adhoc Grant sha ki skul Adhoc.

U Bah Prestone ula khot hynne ka sngi ia ki Nonghikai Adhoc kiba don hapoh ka lama jong ka Federation of School Teachers of Meghalaya (FASTOM) bad buh ia ka jingkyrpad ban pynsangeh noh ia ka jingiakhih namar ka Sorkar kan sa shim noh ia ka rai ba khatduh halor ka jingdawa jong ki-kaba kynthup ia ka jingpynkiew ia ka tulop adhoc da T.18000 bad ka increment ba 5% manla u snem, ha ka sien shong jingialang jong ka Kynhun Myntri ban long shen.

Hynrei, ka FASTOM ka khlem pat shim rai ia kane ka jingkyrpad bad ka dang iai bteng ia ka jingiakhih tad haduh ba thoh ia kane ka khubor.

Haba jubab ia ka jingkylli, u Bah Prestone ula ong “Ka shong ha ki hynrei nga ong ha phi ba lada phi dang bteng, ka mut ruh ba ka don kaei re kaei ha lyndet. Nga la dep kular ia ki bad u Myntri Rangbah ula dep kular ha ki, balei ba phi dang hap ban thiah ka surok? Ai ba ki nongshongshnong ka Jylla kin bishar.”

Haba kylli la ka Sorkar ka suba ba kane ka jingiakhih ka dei kaba kynshoit da ki seng sain pyrthei, u Symbud Myntri Rangbah ula ong “Ia kane phi lah ban kylli na ki ba balei kim dei ban kmen ia kaei kaba mih na ka jingialang bad nga”.

U Bah Prestone u pyntip ba ula kyrpad ia ki Nonghikai ban pynsangeh noh ia ki jingiakhih bad ban leit phai noh shala iing “bad lada ka Sorkar kam lah ban shim ia ka rai ha ka jingialang jong ka Kynhun Myntri ban wan, ki lah ban wan pynlong biang ia ka jingiakhih”.

Kat kum ka jingong jong u, ka jingtyrwa ban pynkiew noh ia ka Grant in aid sha ki skul Adhoc kan dei kawei na ki mat jing iakren ha ka jingialang jong ka kynhun Myntri ban wan.

Haba pynpaw ba ki skul adhoc ki dei kiba long trai da ki kynhun bapher bapher kum ki Iingmane, ki Dorbar Shnong bad kiwei kiwei, u Symbud Myntri Rangbah ula ong “Wat ia ka jingthung kam nonghikai ruh la leh da ki School Managing Committee (SMC)”.

“Nga sngew ba ki SMC kin hap ban shim ia baroh ka jingkitkhlieh halor ka bha ka miat bad kumno ban peit ia ka jingeh jong ki Nonghikai namar ka Sorkar ka dei kaba shu ai tang ia ka grant in aid sha ki skul hangne ha Jylla. Shisien ba pyllait ia kane ka grant, ka pisa ka leit beit beit sha ka pla jong ka SMC bad hadien kin sa shim ia ka sienjam ban pyllait sha ki Nonghikai. Namar kata, nga kyntu ia ki SMC ba kin mih shakhmat bad ruh ban shim ia ka jingbahkhlieh naka bynta ka bha ka miat jong ki nonghikai lajong lane ki Nongtrei” ula ong.

U Nongaiktien ka FASTOM Bah Mayborn Lyngdoh haba iakren bad ki nongthoh khubor ula ong ba ki Nonghikai kim sngew hun ia ka jingkular jong u Symbud Myntru Rangbah hynrei ban pynsangeh ia ka jingiakhih kan shong eh ha ka rai ban shim da ki nonghikai baroh.

“U la kular ia ngi ba 101% ka jingdawa jong ngi yn sa mynjur noh ha ka jingialang ban wan jong ka Kynhun Myntri, Haba ngi la pynpaw ba ngin ap haduh ba kane ka jingialang kan urlong, ula ong ba ka dei ka mon jong ngi. Hynrei, ngi kular ba ngin leit phai bad kylli ia ki Nonghikai la ki kwah ban leit phai iing noh ne ki kwah ban ap ia kane ka jingialang. Kane ka shong ha ki Nonghikai” ula ong.

Haba kylli, u Bah Mayborn u pyntip ba ki Nonghikai kim don jingtip eiei halor ka rukom thungkam ia ki ha ki skul adhoc.

“Haba poi sha ka jingthungkam, kumno la leh ka shong eh hapdeng ka Sorkar bad ki Managing Committee, ngi dei tang kiba shah thung bad ngim tip kumno ka iaid. Mynta ka shong ha ka Sorkar bad ki SMC ba kin iakren para maki” ula ong.

Haba iada ia ki SMC, une u Nongaiktien ka FASTOM ula ong ‘Ka long kaba eh ia ngi ban ong mano ba dei ban shim ia ka jingbahkhlieh namar ngi shu tip ba ia ka tulop jong ngi la siew da ka Sorkar bad ngi khmih lynti ba kan pynkiew noh”.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...