Shillong Iaiong 30: Ka World Audio Visual & Entertainment Summit (WAVES) 2025, ka jingïalang kaba pawnam ha ka pyrthei kaba rakhe ïa ka jingsaindur thymmai bad ka jingïatreilang ha ka kam Media bad kam pynbyrngia, kala pynkhreh ban pynlong ka jingrakhe kaba shitrhem ia ka deiriti ha ka pyrthei.
Napdeng ki bynta kiba la khmih lynti bha ha kane ka jingïalang kadei ka WAVES Culturals & Concerts, ka tamasa ba iadei bad ka deiriti kaba saw sngi kaban sdang naduh 1–4 tarik Jymmang, 2025, ha Jio World Convention Centre (JWCC) ha Mumbai. Kan don ruh ka jingpeit bniah ia ka deiriti jong ka thaiñ shatei lammihngi jong ka ri, kaba pyni ïa ka pateng bad ki riti dustur ba riewspah jong ka thaiñ.
La pynkhreh hapoh ka phang “Connecting Creators, Connecting Countries,” ka prokram deiriti ka kynthup ia ki jingshad kiba itynnad na baroh phra tylli ki jylla jong ka thain shatei lammihngi, kaba pyni ia ki nongpeitkai ia ka jingiaid lynti ba kyrpang lyngba ka deiriti bapher bapher bad kaba iphuh iphieng jong ka India.
Na Assam, ka jingshad Sattriya ba la burom bha da ka Sattriya Kendra, Guwahati bad ka jingshad ba iadei bad ka por ba la tip kum ka Gumrag jong ki riewlum kan pynhun ïa ki nongpeitkai.
Ka Meghalaya ka wanrah ia ka jingshad Wangala, ka jingai burom ia u blei sngi, katba ka Sikkim ka wanrah ia ka Tamang Selo kaba shitrhem bad ka Singhi Chham — ka jingshad Snow Lion kaba don tynrai ha ka histori jong ka spah snem kaba 18.
Ka jingshad Hojagiri ba pawnam jong ka Tripura kan khring da ki rukom ba pynïahap ïa ka bor tynrai jong ka, bad ka jingshad Manipuri ba la pynjanai bha jong ka Manipur da ka Jawaharlal Nehru Manipuri Dance Academy bad kan don ruh ka jingpyni ia ka rukom iakhun Thang-ta.
Ka Nagaland kan plie ïa ki jingrakhe deiriti da ki jingrwai ba sngewtynnad jong ki Tetseo Sisters, kaba pynneh pynsah ïa ka riti dustur Li ha ka ktien Chokri, ryngkat bad ka Nzanta — ka jingshad kynhun ba itynnad da ki longkmie jong ka jaitbynriew Lotha Naga.
Ka Cheraw jong ka Mizoram, kaba la tip paidbah kum ka shad siej, kan ai ïa ka jingshad ba itynnad jong ka jingïadei bad ka jingsawa, katba ka Arunachal Pradesh kan pyni ïa ka jingshad ba itynnad jong ka Kaa Kingnara Kingnari, ka rukom shad ba la pynshong nongrim ha ki klew.
Lyngba ka jingïatreilang ka Tnad Information & Broadcasting, ka Tnad Deiriti, Sorkar Maharashtra, bad ki nongiatreilang kum ka YouTube, Spotify, bad BookMyShow, ka prokram deiriti jong ka WAVES 2025 ka pynkhlain ïa ka jingkut jingmut jong ka Summit ban pyni ïa ka jingstad ha ka kam saindur jong ka pyrthei.
 2025, ka jingïalang kaba pawnam ha ka pyrthei kaba rakhe ïa ka jingsaindur thymmai bad ka jingïatreilang ha ka kam Media bad kam pynbyrngia, kala pynkhreh ban pynlong ka jingrakhe kaba shitrhem ia ka deiriti ha ka pyrthei.){kind=link}