Shillong, Naitung 16: U Myntri ka tnad Arts & Culture bad u Nongaiktien ka sorkar MDA u Bah Paul Lyngdoh ha ka sngi saitjain ula ong, ba ka kynhun jong ka sorkar jylla shen kan leit sha Delhi ban buddien halor ka jingdawa ban pyrung iaka ktien Khasi ha ka Eight Schedule jongka riti synshar ka ri India.
Haba iakren bad ki nongthoh khubor u Bah Lyngdoh ula ong, ba ka ìingdorbar thawaiñ ka jylla kala dep mynjur iaka Resolution ban pynrung iaka ktien Khasi ha ka Eighth Schedule jongka riti synshar ka ri.
“Ha kane ka por ba mynta, ngi don ruh ia ka jingthmu ban leit Delhi ban iakynduh ia ki Myntri ka Sorkar Pdeng kynthup ia u Myntri Rangbahduh ka ri ban pyniaid shakhmat ia ka jingdawa ban pynrung iaka ktien Khasi ba kan long noh kaba seisoh” ong u Bah Paul.
Ha kaba iadei bad ka jingslem ban pyntriekam ia ka Inner Line Permit (ILP) ha Meghalaya, u Myntri Sorkar ula ong, ba kane ka mat kadei kaba la shu sahkut kumto.
“Kadei kaba don hapoh ka jingkhmih jongka Ministry of Home Affairs(MHA) bad kala poi ruh sha Parliament. Kane kan dei ruh ka mat kaba ngin rah ha ka jingleit Delhi kaba ngin leit noh shen” ong u Bah Paul.
