Shillong, Risaw 20 : Arngut ki Nongkiewlum ka Jylla kin leit ban iashimbynta ha ka Advance Mountaineering Course ha ka Himalayan Mountaineering Institute (HMI) kaba don ha Darjeeling.
Kine ki arngut ki dei I Valaria Suchiang na Shangpung, West Jaintia Hills bad Rilang Dkhar na Umshaken, Ri-Bhoi District, kiba dei ki dkhot ka Meghalaya Sport Climbing and Mountaineering Association (MeSCMA).
Kine ki arngut ki nongkiew lum kila pyndep ia ka Basic Mountaineering Course na ka National Institute of Mountaineering and Allied Sports (NIMAS) ha u Lber 2022 da kaba ioh Grade “A”, ka Grade ba heh duh ha ka jinghikai kiew lum.
Kane ka jinglah jong ki, kala pynlong ia ka NIMAS ban phah kyrteng ba kin ioh ia ka jinghikai pyntbit shuh shuh ba kin long kiba khlain ka met ka phad bad ka bor pyrkhat pyrdain ban long ki nongkiew lum.
