Shillong, Jylliew 25: U Symbud Myntri Rangbah ka Jylla ba khmih ia ka tnad PWD (Roads) u pyntip ba ka Tnad PWD kan sa bujli noh ia ki phra tylli ki jingkieng dieng ha Ri-lum Garo da ki jingkieng maw.
“Ngi la dep ioh ia ka song pisa bad mynta ngi dang khot tender ban pyntrei ia ka kam” ong u Bah Prestone haba iakren bad ki nongthoh khubor.
U Pyntip ba ha u snem bala lah, ka Sorkar Jylla kala dep mang pisa haduh 10-12 tylli ki jingkieng haba ong “ka thong ba ngi kwah ka long ban bujli noh ia ki jingkieng dieng da ki jingkieng ba neh shirta”.
Bun tylli ki jingkieng dieng khamtam ha Ri-lum Garo kila shah rong noh ha ka umsaw ha kane ka taiew bala lah namar ka jingther jong u lapbah ha ka thain.
