spot_img

Women’s U-19 T20 Trophy: Sdang ka Meghalaya ia ka lympung da ka jingjop ba 7 wicket

Date:

Share post:

Shillong, Risaw 01: Ka Meghalaya kala khur ia ka jingjop ba 7 wicket ha ka jingialehkai ba nyngkong jong ka BCCI Women’s U-19, T20 Trophy pyrshah ia ka Goa hynne ka sngi ha Hyderabad, ka jingiaroh ka iaid sha ka jingiakamai paralok ba 78 run hapdeng ka Ankita Sharma bad ka samla Monica Lyngdoh Phawa.

Haba beh ia ka thong ba 86 runs ban ioh ia ka jingjop ha kane ka sngi sdang jong ka lympung, ka Meghalaya kala sdang da ka jingsyier namar ka jinghap haduh 2 wicket tang 3 runs ba kamai hynrei ka Samla Monica kaba kamai 25 run bad ka Ankita -46 run kila lah ban khyllie ia ka Kynhun ban poi sha ka thong.

Kine ki arngut ki thei ialehkai kila ialehkai hala ka jong ka rukom – ka Ankita kala kamai runs mar kumjuh bad ka jingkawang bol bad tied ia san tylli ki boundary katba ka samla Monica kaba tied nyngkong eh, kala neh ha madan bad tied haduh 63 bol. Ka Jylla Meghalaya kala pyndep ia ka jingbeh thong tang hapoh ka 18.2 over.

Shuwa kane, ka Goa kala jop ia ka jingkynting pisa bad jied ban tied nyngkong hynrei ka la lah ban kamai run tang 85 run bad hap 2 wicket ha ka 20 over bala buh.

Ka samla Suriti Kumari Ray kala shim ia kine ki wicket bad ka Captain kala pyndep ia ka pali kawang bo da 2 wicket bad ai tang 17 run ha ka saw over. Ia kine ki wicket la lah pynhap da ka jingkem ia ka bol ba her na suin (catch) da ka samla Sara Daffica Kharbani bad ka samla Sistilin Ryntathiang.

Ka Meghalaya kan ialehkai biang lashai ka sngi u Blei pyrshah ia ka Vidarbha, kaba la jop ia ka jingiakynduh ba nyngkong da 9 wicket pyrshah ia ka Sikkim.

Share post:

spot_img
spot_img

Popular

More like this
Related

Kyntait u Myntri ia ka jingkynnoh ba ka MEG kan aiti ia ki skul/college sha ki shimet

Kynnoh kren khlieh khlieh tdong tdong ia ka VPP Shillong,...

Rakkam optimistic CM will back railway extension to Baghmara for economic growth

Shillong, July 21: Education Minister Rakkam A Sangma has expressed...

Ngeit skhem u Myntri ha u CM ban lah pynpoi rel haduh Baghmara

Shillong Naitung 21 : U Myntri ka tnad Pule...

Shim case ka MHRC ba shah pyniap tohmet ka samla ha EGH

Shillong, Naitung 21 : Ka Meghalaya Human Rights Commission...