Shillong, Jymmang 05 : Ka Tnad Election kala weng ia palat 524 ngut ki briew na ka Electoral Roll ka Meghalaya namar ka jingdon kyrteng ar jaka.
Haba pyntip ia kane ha ka sngi Nyngkong, u Chief Electoral Officer (CEO) Dr BDR Tiwari ula ong “Haba iadei bad ki EPIC duplicate, ki don haduh 524 tylli ki case bala ioh ban bat/dep ithuh ha Meghalaya. Ia kine ki 524 ngut la ai da kawei pat ka EPIC number”.
Ula ong ba kane ka dei ka kam ha kaba ia kajuh ka EPIC number la shem ruh ba ka don ha kiwei pat ki Jylla hynrei ha ka kyrteng jong ki arngut ki briew bad kumta ia kane ngi la lah ban pynbeit mynta.
U Dr Tiwari ula bynrap ba halor ka jingshimkhia ka ECI, ia kane ka jingbishar ia ka EPIC la leh ha Jylla bad la dep ban ithuh ia baroh ki EPIC duplicate bad ia kine ki briew la ai mynta da ka EPIC number ba thymmai.
Haba iadei bad ka jingpyniasnoh ia ka EPIC bad Aadhaar, u CEO ula ong ba kane ka dang long beit kat kum ka mon u paidbah.
“Naba ia u Aadhaar la pyniasnoh bad kiwei kiwei ki jingmyntoi, ngi la kyrpad ruh ia ki nongthepvite ba kin pyniasnoh ia ia Voter ID card bad ka Aadhaar….bad ki lah ban leh ia kane lyngba ki ERO” ula bynrap.
 Dr BDR Tiwari ula ong “Haba iadei bad ki EPIC duplicate, ki don haduh 524 tylli ki case bala ioh ban bat/dep ithuh ha Meghalaya. Ia kine ki 524 ngut la ai da kawei pat ka EPIC number”.){kind=link}