Shillong, Naiwieng 07 : Ki samla pule ka North Eastern Hill University (NEHU) kiba dang don hapdeng ka jingiakhih, ha ka sngi Palei kila bthah ia ka Liang Pyrshah Voice of the People Party (VPP) ba kam dei ban tuklar ia ki jingdawa jong ki samla.
Ia kane ka khubor kaba shai la phah tang da ki khyllipmat hadien ba ka kynhun ki nongialam ka VPP bala ialam da u Finance Secretary Danny Langstieh, kila leit iakynduh ia u Vice Chancellor ka NEHU Prof PS Shukla bad iamih lang bad u ban wan kren sha ki samla pule.
Haba iohi ia kane, u President ka NEHUSU samla Sandy Sohtun ula ong “Ngi dawa ia u (VC) ban hiar shuki mardor. Ngim kwah iano iano ruh ban wan tuklar bad ki jingdawa jong ngi”.
“Ngi kwah ba u VC un hiar shuki. Ngim kwah iano iano ruh ban wan tuklar bad ki jingdawa jong ngi. Khie iaid la ka jong ka lynti lem kumta ngin khangdam ia ka University bad phin nym ioh shuh ban wan rung sha ka campus” ula ong.
Mar syn rung biang u VC ba ka kynhun ka VPP sha Ophis, ki samla pule kila khang dam ia ka Ophis u Vice Chancellor na shabar.
 kiba dang don hapdeng ka jingiakhih, ha ka sngi Palei kila bthah ia ka Liang Pyrshah Voice of the People Party (VPP) ba kam dei ban tuklar ia ki jingdawa jong ki samla.){kind=link}