Shillong, Naiwieng 07: Ka kynhun ialehkai Cricket jong ka Meghalaya hynne ka sngi Palei kala lah ban ialehkai bha haka jingleit tied ha ka sien ka baar ha ka Ranji Trophy 2024-25 Elite Group A pyrshah ia ka Jammu and Kashmir kaba donkam pat tang 75 run ban jop ia kane ka jingiakhun kaba long ha nongbah Shillong.
Hadien ba ka Meghalaya kala kamai tang 73 run ha ka jingleit tied ha ka sien kaba nyngkong ne First Innings, ka Meghalaya kala kamai 195 run bad hap lut ki nongtied ha ka jingleit tied ha ka sien ka baar bad mynta ka J&K ka donkam abn kamai tang 75 run ban khur ia ka jingjop.
Ka J&K kaba la kamai 125 run bad hap 6 ngut ki nongtied kala bteng biang ban tied hynne ka sngi bad kala kamai 194 run bad hap lut ki nongtied, ha kaba u Aryan Borah ula ioh ban khur ia baroh kitei ki 4 wiket bad haba kyllum lang ula ioh khur 5 wiket marwei ha katei ka jingiakhun.
Ka J&K kala tam da 121 run bad haba ka Meghalaya kala leit tied biang u Arpit Bhatewara ula kamai 74 run.
Ka Meghalaya kala kamai 48 run bad hap 4 wiket hynrei u Arpit ula ioh ia ka jingkyrshan na u Sumit Kumar uba la kamai 36 run bad kine ki 2 ngut kila ia kamai 55 run naka bynta ka wiket kaba 5.
U Arpit ula bteng ban ialehkai bha watla ki nongtied ka Meghalaya ki mshym la lah ban kyrda slem ha ki nongkawang bol ka J&K bad ha kane ka jingiakhun u
Auqib Nabi jong ka J&K ula ioh khur 5 wiket bad haba kyllum lang ula ioh khur 10 wiket bad ai 69 run.
U nongkawang bol ka Meghalaya u Akash Kumar Choudhary ym shim la pynlehnoh ei ia ka sap ka jong ha kaba ula lah ban kamai 29 run abd ym shim la Out haduh ban da kut.
Ka Meghalaya kam shym la lah ban pynpoi ia ka jingkamai run sha ka 200 hynrei kala kamai 195 run.
Ka J&K kala kamai 194 run ha ka First Innings bad hynne kala tied biang ha ka sien ka baar ban kamai ia ka 75 run ban khur iaka jingjop hynrei u nongtied ka J&K u Shubham Khajuria ula shah pynkhyllem noh ha u Dippu Sangma bad kamai tang 4 run bad haduh kaba kut jong ka jingailehkai hynne ka sngi ka J&K kala kamai 16 run bad hap 1 wiket bad lashai ka sngi kan bteng biang ban tied kaba dei ka sngi kaba lai.
