Shillong, Naiwieng 07 : Laingut ki samla pule ka North Eastern Hill University (NEHU) kila poi sha hospital bad la sumar ha Civil Hospital, Shillong hynne ka sngi Palei.
Kine ki samla ki dei kiba la ban ka jingtlot ha ka met na ka jingiashimbynta ha ka jingshong shah thngan naduh ka sngi Nyngkong, ban pyrshah ia ka jingmynthi jong u Vice Chancellor ban weng kam ia u Registrar bad u Deputy Registrar.
Kine ki kynthup ia u General Secretary ka North Eastern Hill University Students Union (NEHUSU) Toniho Kharsati bad u Organising Secretary ka KSU-NEHU Unit Aiboklang Nongsteng. Hashuwa jong ki, kawei ka samla pule kala shah kit noh sha hospital.
Ki Nongialam kila pyntip ba kine ki samla kin sa wan iasnohkti biang ha ka jingiakhih hadien ba kila mih na hospital.
Bun ngut ki samla pule kila iashimbynta ha ka jingia shah thngan bala pynlong da ka NEHUSU bad kyrshan da ka KSU-NEHU Unit, kaba la iaid mynta la jan 72 kynta.
Kila pynbna ruh ban khang dam ia ka University kum ka dak ban pyrshah ia ka jingbym lah ban weng noh ia u Registrar, Deputy Registrar (Academics) haba kynnoh ba ka jingthungkam ia ki ka dei kaba beain.
 kila poi sha hospital bad la sumar ha Civil Hospital, Shillong hynne ka sngi Palei.){kind=link}