Shillong, Naitung 07 : Ka Myntri Sorkar ba khlieh ia ka Committee ki seng sain pyrthei Kong Ampareen Lyngdoh hynne ka sngi Thohdieng, kala kyntu ia ka Voice of the People Party (VPP) ban ym pynlut kai ia ka por ha ki kam bym phoida haba phai sha ka kam ba iadei bad ka State Reservation Policy.
Ka Myntri kala kynthoh ia kane halor ka jingkren jong ka VPP halor ka jingkyrpad jong ka Committee sha baroh ki seng sain pyrthei ba kin phah ia ki jingshem bad jingai jingmut ba iadei bad ka State Reservation Policy ia ka ban sa pynshong nongrim ha kaban thung ia ki dkhot jong ka Expert Committee.
Ka Chairperson jong ka Committee kala ong ba ka VPP ka lah ban phah ia ki jingshem bad jingai jingmut jong ka sha ka Ophis u Myntri Rangbah ka Jylla, ka Ophis jong ka bad sha ka Tnad Ain haba bynrap ba ia kane ka kam lah dep ruh ban iakren ha ka jingialang ba khatduh bala pynlong da ka Committee bad baroh ki seng sain pyrthei.
“Kam don satia kano kano kaba ngi ong kaba dang dei ba thymmai..namar kata ynnai pynbunkam ha ki kam bym phoida namar lada phi shu pynbunkam ialade ha ki kam bym don jingmyntoi, phin ym ioh ia kaei ka jingmut” ong ka Kong Ampareen.
“Ki lahban nym ithuh ia ka Committee ki seng sain pyrthei kaba nga khlieh, ka biang hi, ka shong ha ki ban sngewthuh ba lada kim ithuh ia ngi, ngim don jingwit satia hynrei ngi dei kiba la iohbor bad kane ka dei ha ka kyndon treikam” kala bynrap.
Ka kong Ampareen kala ong ruh “ka biang hi, lada kawei ka seng sain pyrthei kam kwah ban aiti iaki jingai jingmut. Sngewbha phi phah noh sha ka Ophis u Myntri Rangbah namar lada phi kwah b aka kam kan sdang noh ngi hap ban sdang na kano kano ka kam. Kane ka dei ka mat kaba nga mut”.
Pule ruh: Byrngem ka KSU da ka ‘Anti-Foreigners’ Movement’ ba lapmiet shah shoh ki Khasi ha ki bar Jylla
 ban ym pynlut kai ia ka por ha ki kam bym phoida haba phai sha ka kam ba iadei bad ka State Reservation Policy.){kind=link}