Shillong, Lber 03: Ka Myntri ka Koit k Khiah Kong Ampareen Lyngdoh ha ka sngi Nyngkong kala ong ba ka Sorkar kala wanrah ia ka Shillong Medical College ba pyniaid hi da ka Sorkar da ka jingthmu ban lah pynkhlain ia ka lain pule doktor bad ki lad ai jingsumar hapoh ka Jylla.
“Baroh ki jingpynkhreh kila iaid shaid shaid ban ioh sdang noh ia ka batch ba nyngkong jong ka samoi pule, kaba shong pat ha ka jingmynjur jong ka NMC” ong i Kong Ampareen hapoh ka Iingdorbar.
U Nongialam ka Liang Pyrshah Mukul Sangma ula pynpaw ia ka jingsngewkhia ba kam don satia ka jingshai halor ka jingiaid jong ka project watla ka Sorkar ka don jingthmu ban pynsdang noh ia ka samoi pule mynta u snem.
Halor kane, i Kong Ampareen ila iathuh ba ka Tnad ka dang trei shaid shaid ban pyniaid noh ia ka Shillong Medical college.
“Ngi la pyndep ia ka jingpyniasoh bad ka North Eastern Hill University (NEHU)” ila pyntip haba iathuh ba ia ka Pastuer Hills la pynkylla mynta sha ka Academic Block.
