Shillong, Jylliew 28 : Arngut ki ehrang ka seng Hynniewtrep National Liberation Council (HNLA), kila wan ban pyndem ialade hakhmat u Superintendent of Police ka Eastern West Khasi Hills.
Kine ki arngut ki kyrteng u Dibarius Jyrwa (32) bad u Ridor Lyngdoh Nonglait (30).
Kine ki arngut kila phla ba kila shah ialam bakla ban rung HNLC ha u Samuel Wahlang Pahsyntiew, u briew uba la shah thwet halor ka jingpynbthei bomb IED ha Shillong Syndicate Bus Stand jong ka Shillong Sadar Police Station. Kila phla ruh ba kila leit sha Bangladesh ha ryngkat u Samuel.
Kat kum ka jingong u Superintendent of Police, kine ki arngut ba wan pyndem kila pynpaw ba kila iasoh bad ka HNLC bad la aikam ia ki ban leh ia ki kam rit kam ria, kynthup ka kam rep, kaba ki sngew ba kam iahap satia bad ka nongrim treikam jong ka seng.
Kine ki arngut kila pynpaw ia ka jingbym sngewtynnad ia ka jingshah bynshet kam ha ki ehrang bala kham slem la palat 15 bnai. Kila rai ban phet na Bangladesh ha ka 20 tarik Jylliew, 2025 da ka jingthmu ban wan im lang noh ha ka imlang sahlang. Kine ki arngut kila pynpaw ruh ia ka jingbabe ba kila leit iasoh bad ka HNLC.
U SP u pyntip ba ia kine ki arngut la dep ban kylli jingkylli, la dep buh jingthoh ia ki jingbatai jong ki bad la buh ruh ia ki ha ka jaka kaba shngain.
, kila wan ban pyndem ialade hakhmat u Superintendent of Police ka Eastern West Khasi Hills.){kind=link}