Shillong, Nov 12: Kum shi bynta ban pynbteng iaka jingiaid sha ki thain khappud ka ri India bad Bangladesh, ka kynhun niah Cycle ki shipai Border Security Force (BSF) kala wan poi hynne ka sngi saitjain ha 110 BN BSF East Khasi Hills.
Ia kane ka kynhun la pdiang sngewbha da ki nongshongshnong ka Khappud haka jingdon lang u Pannalal Lakshyaraj Singh, Offg Comdt haka jingdon lang ki paidbah, ki khynnah skul bad ki shipai BS.
Kum shi bynta ban pyniphuh iaka jingpdiang burom, kala don ruh ka prokram tynrai bala pynlong hapoh ka BOP Bholaganj da ki khynnah skul bad ha ka juh ka por la pyni ruh iaka phlim Documentary jong ki shipai BSF kiba la kyntu iaki samla ban rung sha ki kam shipai ban trei naka bynta ka ri.
Ka thong jong kane ka jingia niah Cycle ha ki thain khappud ka ri India bad Bangaldesh kadei naka bynta ban pynim iaka jingling kawei bad ka jingiatylli hapdeng ka ri India bad Bangladesh bad kumjuh ruh ban pynsngewthuh paidbah halor ki kam khaii beain lyngba ki khappud.
