Shillong Naitung 21: Haduh 57 ngut ki briew kynthup ki samla pule bad ki nong Bangladesh, kila wan poi hynne ka sngi U Blei ha ICP Dawki, hadien ba kila mih noh na Bangladesh namar ka jingnang jur ka huri hura bad ka jingnang sniew ka suk ka sain ha katei ka Ri.
Napdeng kine ki 57 ngut, 32 ngut ki dei ki nongshongshnong ka India, 11 ngut ki dei na Nepal bad 14 ngut ki dei ki nong Bangladesh, kiba la wan phet ban rieh tngen shipor ha India.
Ka Sorkar Jylla kala shaw ia kine ki briew na khappud bad kala leit buh ia ki sha la ki jong ki jaka ba ki wan, da ki kali kiba la pynbiang ha Dawki.
Ka Ri Bangladesh ka don hapdeng ka jingkulmar kaba jur bha mynta la shitaiew eiei, kaba la mih na ka jingpyrshah ia ka rai jong ka Iingkashari Supreme Court, ban mang haduh 30% ka bhah thungkam Sorkar ia ki bahaiing hasem jong ki shipai bala shongthait, kiba don bynta ha ka jingiakhun thma Laitluid pyrshah ia ka Pakistan.
