Shillong, Nailar 25: San ngut ki Nongialam ka Hynniewtrep National Liberation Council (HNLC) kila wan poi ha Nongbah Shillong ban iashimbynta ha ka jingialang iakren iasuk bad ka Sorkar.
Ia kane la pynthikna da u Nongmihkhmat ka HNLC bad President ka Hynniewtrep National Youth Front (HNYF) Bah Sadon K Blah hynne ka sngi palei.
“Kine ki san ngut ki Nongialam ka HNLC kila wan poi ha Jylla naduh ka 5 tarik Nailar bad kila sah ha IB jong ka MeECL kaba don ha Sumer. Kane ka dei kawei pat ka mawjam sha ka jingiakren iasuk ka ban sdang hapdeng ka HNLC bad ka Sorkar” ong u Bah Sadon.
Kat kum ka jingong jong u, kine ki Nongialam kila dep ruh ban iakynduh ia u Ksiang jong ka Sorkar Jylla Bah PS Dkhar tang hadien katto katne sngi ba ki wan sha Jylla.
Haba kylli, u Bah Sadon ula ong “Mynta ka dei ka bynta ban iapynbeit bad ka shong ha ka Sorkar ban rai halor ka jingiakren (official talk) khnang ba ngin lah pyntyllun noh shakhmat ia ka. Ka Sorkar kam pat buh ruh ia ka Tarik”.
