Shillong, Nohprah 15: Haduh 24 ngut ki samla kynthei na Mon District, Nagaland ha ryngkat ki Nonghikai, kila wan iakynduh hynne ka sngi ia u Lat ka Jylla Meghalaya Phagu Chauhan ha Raj Bhavan, Shillong.
Kane ka jingwan iakynduh ia u Lat ka long shibynta jong ka Assam Rifles’ National Integration Tour (NIT) program, kaba thmu ban pynkhlain ia ka jingialong kawei hapdeng ki samla hapoh ka Ri bad ban ai ia ki jingtip halor ka jingriewspah ki pateng la pateng ha ka Ri bad ruh ka roi ka par bad kiwei.
Ha kane ka jingiakynduh, u Lat ula iakren iakhana halor ka jingkongsan ban pyniatylli ia ki samla ka Ri bad kren ia ka bynta jong ki samla ha kaban tei ia ka ri India kaba khlain bad kaba iatylli kawei.
Ula pynshlur ruh ia ki ba kin beh ia ka thong ba ki don bad ban shim kabu ia ki lad ki lynti ha ka pule ka dangle.
Kane ka kynhun NIT kala wan poi ha Shillong ha ka 13 tarik Nohprah bad kan mih ha ka 17 tarik Nohprah.
